პროექტის შემაჯამებელი შეხვედრა ჩართულობის ცენტრში

2016 წლის 28 დეკემბერს, ოზურგეთის დემოკრატიული ჩართულობის ცენტრში „ოზურგეთის ახალგაზრდა მეცნიერთა კლუბის“ პროექტის „ინფორმირების სისტემის ამოქმედება თვითმმართველობის პროცესში მოქალაქეთა ჩართულობის უზრუნველსაყოფად“ შემაჯამებელი შეხვედრა გაიმართა. პროექტის ფარგლებში გათვალისწინებული აქტივობები ოზურგეთის მუნიციპალიტეტის საკრებულოს წევრებსა და სხვადასხვა სექტორის წარმომადგენლებთან, პრეზენტაციაზე მინდია სალუქვაძემ და ლევამ მჟავანაძემ წარმოადგინეს. როგორც ითქვა, გაფორმდა ანკეტა-მემორანდუმები, მონაცემთა ბაზა, რომლებსაც სპეციალური პროგრამული უზრუნველყოფის საშუალებით მათთვის საინტერესო და მნიშვნელოვანი ინფორმაცია ეგზავნებათ შეტყობინების სახით. კერძოდ პროექტის ფარგლებში განხორციელდა შემდეგი აქტივობები:

  • მოეწყო სამუშაო შეხვედრები სახელმწიფო, კერძო თუ არასამთავრობო ორგანიზაციების თანამშრომლებთან ანკეტა-მემორანდუმის გასაფორმებლად
  • საკრებულოს პრესასთან ურთიერთობის სამსახურის წევრებთან ერთად განხორციელდა შეხვედრები სახელმწიფო, კერძო თუ არასამთავრობო ორგანიზაციების თანამშრომლებთან, ასევე მუნიციპალიტეტის 28 ტერიტორიული ერთეულის მოსახლეობასთან.
  • შეიქმნა თვითმმართველობის საქმიანობით დაინტერესებული პირების მონაცემთა ბაზა
  • გაფორმდა ანკეტა-მეორანდუმზე დაყრდნობით ინფორმაცია დაინტერესებული პირების შესახებ შეიტანება შესაბამის მონაცემთა ბაზაში, სადაც თითოეული პირის შესახებ მითითებული იქნება მობილურის ნომერი და ინტერესთა სფეროები თვითმმართველობის მიმართულებით.
  • სპეციალური პროგრამული უზრუნველყოფის საშუალებით დაინტერესებული ჯგუფებს ეგზავნებათ შეტყობინებები
  • კომისიების თუ საკრებულოს სხდომების დანიშვნიდან 1-2 დღით ადრე, საკრებულოს აპარატთან თანამშრომლობით ხდებოდა შესაბამისი ინტერესთა ჯგუფებისათვის მესიჯების დაგზავნა, სხდომების დღის წესრიგის, თარიღის, დროის, ადგილის მითითებით. მათ ვინც ელექტრონული ფოსტა მიუთითა ანკეტა-მემორანდუმში, ინფორმაცია მიუვათ ელექტრონულ ფოსტაზე. 

ხაზგასმით აღინიშნა, რომ პროექტის განხორციელებამ შექმნა წარმატებული მაგალითი, თუ როგორ შეიძლება თვითმმრთველობის განხორციელებაში მოქალაქეთა ჩართულობის გაზრდა.
პროექტი დასრულდა, თუმცა საგულისხმოა, რომ ოზურგეთის მუნიციპალიტეტს ინფორმირების სისტემა გამართული ფუნქციონირება ღია მმართველობის პარტნიორობის საქართველოს 2016-2017 წლების სამოქმედო გეგმაში ვალდებულებად განესაზღვრა. ამის შესახებ შეხვედრის მონაწილეებს საკრებულოს აპარატის უფროსმა ნანა თავდუმაძემ ესაუბრა. მისი თქმით დღეიდან შესაძლებელია სიახლეების გამოწერა და ანკეტა-მემორანდუმზე ელექტრონული ხელმოწერა მუნიციპალიტეტის ოფიციალურ ვებ-გვერდზე.
პროექტი განხორციელდა ოზურგეთის ახალგაზრდა მეცნიერთა კლუბის მიერ, აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში.

ყველა უფლება დაცულია © ოზურგეთის ახალგაზრდა მეცნიერთა კლუბი

დოკუმენტების ძებნა